يحكى ان هناك 4 من رجال واحد رسام واحد واحد نقاش واحد خياط واحد مزطول وهذا المزطول كل ليلة لازم يزطل وهدر مع شمعة وكي تخلاص الشمعة يسكت ايا تفاهمو باه يروحو يخدمو ايا مشاو وتكلو على ربي لحقو لوحد الغابة وطاحت عليهم الظلمة قالو نرقدو هنا بصح العسة على كل واحد حتال يطلع الصباح ايا التور لول على النقاش هما راقدين وهو عساس عليهم لقا وحد الشجرة عجباتو بدا بتنقش فيها دارها على شكل امراة ايا رقد وجا تور الرسام في العسة تفرج لقا هذي الشجرة على شكل امراة كمللها التفاصيل المتبقية زاد رقد جا التور تاع الخياط زاد تفرج لقا شجرة عجباتو ايا قال والله غير نكسيها خلص التور تاعو جا التور تاع المزطول في العسة حسبها امراة شعل الشمعة تاعو وقعد يهدر معاها ويشكيلها في همو نطفات الشمعة تاعو وسكت قريب يطلع النهار ايا ناظوا قدقد لي يتفرج يدوخ فيها تهاوشو عليها كل واحد يقول تاعي هذاك يقول انا لنقشتها ولاخر يقول انا لرسمتها ولاخر يقول انا للبستها ولاخرقالهم انا بايت عساس عليها ايا متفاهموش واحد فيهم قال هي قريب من هنا وحد لمدينة روحو للحاكم هو يفصلبنتنا وقلنا تاعم هذي المراة ايا دخلوا للملك وفيديهم هذي المراة حكاولوا القصة ضك الملك في الوقت لي كانوا يحكيولوا في القصة عجباتوا هذي السجرة ايا خلصوا الشكوة انتاعهم وش قالهم الملك قالهم لي نطقها هو لي يدها سؤال تعجيزي وحد مقدر ينطقها يسما والت هذي السجرة تاع الملك وهوما راهم قعدوا عند الملك سمانة خلقت وحد العلاقة طيبة علاقة عشق وغرام ببين المزطول وبنت الملك اي ولا تلفهم الملك من عندوا قالهم اخرجوا عليا من المدينة تاعي ايا بنت الملك نعقنت لانها تعلقت بهذاك المزطول ولا الملك دار مسابقة لي نطق بنتوا يزوج بيها ولي مينطقهاش يموت يقتلوا الملك اي المزطول وهو في الطريق سمع قال في نفسوا نروح انا قسيت ونسيت من حياتي نجربحظي راح ايا كي دخل على الملك قالوا يخي علبالك بقانون قالوا اه قالوا ادخل للغرفةتاعها ايا دخل المسطول قلب الردوات دار الظلمة وعطي بنت الملك بظهر وشعل الشمعة تاعووبدا يحكيلها وش سرالوا مع بنت الملك اي نلحق للجملة لي قالوا عليها الملك لي مينطقهاش يموت ولي نطقها يدها وهي طفات الشمعة عند لي نطقها يسما لازم عليه يسكت ميقدرش يهدر لايم حوالوا ورايه للفينقة هو لحق لباب وهينطقت قاتلوا يديها يسما فرح الملك ورايح يزوجهم كاين وحد الوزير ثم يغير قال للملك كفاه تزوج بنتك لواحد مزطول قالوا الملك والحل قالوا الوزير اختابرو اعطيه حاجة يحوس عليها قبل قالوا الملك معليهش ولي هي قالوا الوزير قلوا يحوس على 5 اشخاص مكانش كيفهم في العالم هذا هو المهر تاعبنتي قالوا الملك صح عندك الحق ايا قالوها للمزطول والمزطول معليه غير هز حوالوا وراح يحوسلو على هذ الاشخاص ايا في طريقوا وهو ماشي لقا واحد في سخانة كبيرة متغطي ولابس كبابط وراقد هزو معاه زاد مشا لارض اخرى لقا واحد في لجليد وهو عريان ويعوم زاد داه معاهوايا زاد مشا زاد لقا واحد يحفف لذيب وهو يجري زاد هزو وراح للملك اي كي دخل على الملك قالوا هاهم ليك قالوا الملك انا قتلك 5 وانت جبت 3 قالو المزطول ظك نقلك عطال كل واحد وشكان يدير من هذوك 3 وقالوا الرابع لي دزني باه نحوس على هذوايقصد الوزير والخامس لي لقاهم يسمى ولاو 5 شاهد دوخ الوزير وزاد الوزير مهناش خاطروا زاد قال للملك اعطيه اختبار ثاني قالوا قلو وشكاين في لعقل زاد هز المزطول حوالو ومشى يحوس وشكاين في لعقل ايا لحق لوحد لمدينة فيها وحد الشيخ عند الباب قالو راني جيت نخدم قالوا الشيخ هذاك الخدمة في النهار لرجال مكانش ارواح في اليل قالوا معليهش لخطر كاين وحد العفريت في هذيك لمدينة لي يلقاه في النهار يقلبوا مراة ايا خدم هذاك المزطول وقت وحد 15 يوم يا قال والله غير نروح في النهار نخدم جا الغدوة صباح لقا وحد لمرا عجباتوا وعجبها جا العفريت قالو وشراك الدير هنا حكالوا قصتو ايا قالوا العفريت معليهش نخليك انت تخدم في النهار نورمال معليهش ايا غار منو هذاك الشيخ قال كيفاه عشقلي في المراة لي نحوس عليها وزاد خدم في النهار ايا هذاك الشيخ قال للمزطول ندزك لوحد لبلاصة تلقا فيها الجواب تاعك هو راح الشيخ هذاك تفاهو هو وحد الملك قالوا لي جيك الاول قصلوا راسو وديرو في سشية والثاني لي جيك مدلوا الساشية ايا دز المزطول راح المزطول اليلة الثانية زاد دز المراة لي يعشق فيها المزطول ميش بنت الملك للقاها في المدينة ايا المزطول كي العادة ولعوايد يشعل الشمعة ويهدر معها دار الروطار سبقاتو لمرا ايا كي لحقت للملك قطعلها راسها ودارها في سشيا لحق المزطول هز السشيا هذك وجا كي لحق لشيخ هذاك داخ الشيخ حل الساشية لقاها راس تاع لمرا حكم راسو وقاعد يقول الصبر في لعقل وعرف المزطول وشكاين في لعقل وراح قال للملك الجاب وزوج ب بنت الملك |
بحـث
أفضل 10 أعضاء في هذا المنتدى
المواضيع الأخيرة
مواقيت الصلاة - تلمسان
اذاعة تلمسان - المباشر
التوقيت - الساعة
حكاية من التراث الشعبي
yacxavi- عدد المشاركات : : 105
نقاظ تميز : : 5
الدولة : : tlemcen_WAT
تاريخ التسجيل : : 26/04/2010
- مساهمة رقم 1
الجمعة مارس 30, 2012 10:19 am من طرف معمارية 1
» مرحبا
الإثنين أغسطس 29, 2011 2:05 am من طرف 125islam
» هل تعلم أن علم اسرائيل موجود على جهازك؟؟؟؟؟؟؟؟
السبت يوليو 02, 2011 7:17 pm من طرف taki88
» اجمل قصص الصداقة
الثلاثاء يونيو 14, 2011 6:11 pm من طرف chakir 08
» حلول بكالوريا 2009 جميع الشعب
الإثنين نوفمبر 29, 2010 7:32 pm من طرف radouane
» أكثر شيء مدهش في البشر
الجمعة يونيو 11, 2010 12:31 pm من طرف لمار الجزائرية
» لا ترمي قميصك القديم بعد اليوم
الأحد يونيو 06, 2010 5:14 pm من طرف لمار الجزائرية
» اعشقك حبيبى
السبت يونيو 05, 2010 12:11 pm من طرف لمار الجزائرية
» فقــــــــــــــــــــــــــــــاص رقــــــــــــيق
الجمعة يونيو 04, 2010 11:55 am من طرف لمار الجزائرية